გაკვეთილის გეგმა (ქართული ენა და ლიტერატურა) პირველი კლასი

გაკვეთილის თემა		ირემი     იგავ-არაკი
ჩატარების დრო
საგანი		ქართული ენა და ლიტერატურა
მასწავლებლის სახელი გვარი		ლელა ზვიადაური
სწავლების საფეხური  კლასი		დაწყებითი საფეხური, პირველი კლასი
ორგანიზების ფორმა		ინდივიდუალური
მოსწავლეთა პროფილი სსსმ მოსწავლე არ მყავს		20
აქტუალობა		ამ იგავ-არაკის მიხედვით მთავარია მადლიერება.
სასწავლო მიზნები		·         გაბმულ მეტყველებაზე მუშაობა, ·         კრიტიკული და ლოგიკური აზროვნების განვითარება, ·         სწორი კითხვის ჩვევის დაუფლება, ·         ლექსიკური მარაგის გამდიდრება,
მისაღწევი შედეგები		ქართ.I.2. მოსწავლეს შეუძლია მინიშნებებზე დაყრდნობით გადმოსცეს მოსმენილი ტექსტის შინაარსი. ქართ.1.3.მოსწავლეს უნდა შეეძლოს მართლმეტყველების ელემენტარული წესების დაცვა ქართ.I.4.მოსწავლეს შეუძლია მოისმინოს და გაიგოს მცირე ზომის ტექსტები,გამოხატოს თავისი დამოკიდებულება.შეაფასოს მოსმენილი(რა მოეწონა ,რა არ მოეწონა,)შეაფასოს პესრსონაჟის საქციელი. ქართ.I..7.მოსწავლეს შეუძლია სხვის მიერ დაწყებული კითხვა განაგრძოს სათანადო ადგილიდან.
გაკვეთილის მსვლელობა/საკლასო მენეჯმენტი    შეჯამება		კლასის ორგანიზება                              (1წთ) I ფაზა ფრონტალური კითხვებით წინარე ცოდნის გამოკითხვა,საშინაო სამუშაოს შემოწმება. ·         პროვოცირება 2წთ. მოსწავლეებს    წავუკითხავ გამოცანას ირემზე.                “ორ მუსიკალურ ბგერას თუ                 ხმოვანს დავურთავთ თავში,                 იგი ცხოველის სახელად                  გადაიქცევა მაშინ.“ ამავდროულად ვუჩვენებ ყუთს და მოსწავლეებს ვუსვამ კითხვას, თუ რა შეიძლება იყოს მასში მოთავსებული. ვეუბნები,რომ გამოცანის პასუხი თანხვედრაშია ყუთში მოთავსებულ საგანთან. ბავშვები გამოთქვამენ ვარაუდებს. იმ შემთხვევაში, თუ გაუჭირდათ პასუხის გამოცნობა, მინიშნებებით მივიყვან სწორ პასუხამდე. - ის არის გარეული ცხოველი. -დიდი,მაღალი რქები და გრძელი ,წვრილი ფეხები აქვს. -ტყის მშვენებას უწოდებენ. - ყველაზე უწყინარი ცხოველია. II ფაზა კითხვა-პასუხი( 5წთ) მოსწავლეებს ვუჩვენებ ვიდეორგოლსა და სურათებს ირემზე და  ვთხოვ, დაახასიათონ ის გარეგნული ნიშან-თვისებების მიხედვით. შემდეგ ვუსვამ კითხვებს: -სად ბინადრობს ირემი? -რა საფრთხე ელის ირემს ტყეში?  -რა ან ვინ შეიძლება იყოს ირმის მტერი? -რა ეხმარება ირემს მტრისგან თავის დაღწევაში? ·         პაუზებით კითხვა და მარკირება. 10წთ. სავარაუდო პასუხების მიღების შემდეგ, მთლიან ტექსტს წავუკითხავ პაუზებით, შემდეგ კი ნაწარმოებს წავაკითხებ კითხვაში კარგად გაწაფულ მოსწავლეს. ამის შემდეგ გამოვიყენებ ჯაჭვურ თხრობას. მარკირების მეთოდით, გზადაგზა ავხსნი ახალ სიტყვებს. მუსიკალური წუთშესვენება!1წთ. III ფაზა ·         კითხვა -პასუხი(ტექსტიდან ) 9წთ. მოსწავლეებს დავეხმარები ტექსტის არგუმენტირებულ გააზრებაში და კლასს მივმართავ შემდეგი კითხვებით: -რა დაინახა ირემმა წყალში? -რა მოეწონა ირემს? -რა დაიწუნა ირემმა? -რა გახდა ირმის დაღუპვის მიზეზი? -რას ნანობდა ირემი? -როგორ აფასებ ირმის საქციელს? -შეგებრალა ის?რატომ? -რას შეცვლიდი ამ იგავში? -რისი თქმა სურს ავტორს? -რა არის ამ იგავის დედააზრი? მოსწავლეები იმსჯელებენ ტექსტის ირგვლივ,შეაფასებენ ირმის საქციელს. გამახვილდება ყურადღება ნაწარმოების  დედააზრზე. ირმის საქციელიდან გამომდინარე, გააკეთებენ დასკვნას,რომ  ცხოვრებაში მთავარი სილამაზე არ არის.მთავარია დავაფასოთ რაც გვაქვს, ვიყოთ მადლიერები. ·         აქტივობა „სიტყვის ბანკი“2წთ. მოსწავლეები   კალათიდან  ამოიღებენ ბარათებს, რომელზეც წერია საგნის , ასევე საგნის მოქმედების აღმნიშვნელი სიტყვები და მოახდენენ მათ კატეგორიზაციას. ·         აქტივობა“აანთე    შუქნიშანი“2წთ.          გაკვეთილის ბოლოს, შეჯამების მიზნით, გამოვიყენებ აღნიშნულ აქტივობას.მივმართავ მოსწავლეებს: იყო თუ არა დღევანდელი გაკვეთილი საინტერესო და გასაგები?ვთხოვ, გაუგებარი კითხვების შემთხვევაში, „აანთონ“ წითელი ფერი, წინააღმდეგ შემთხვევაში კი-მწვანე.
საშინაო სამუშაოს მიცემა		ტექსტს  მივცემ  წასაკითხად, ხოლო დასაწერად- მოიძიონ და ამოიწერონ ის ადგილი, სადაც ირმის სინანულია აღწერილი. 1წთ.
- შეფასება		ყოველი აქტივობის შემდეგ გამოვიყენებ  განმავითარებელ შეფასებას.(2წთ.)
სასწავლო რესურსები		სახელმძღვანელო,კომპიუტერი,ეკრანი,აქტივობის ბარათები.პლაკატი,სურათები.